Uster, 17 Shkurt 2023
Me rastin e festës së Pavarësisë së Kosovës, e organizuar nga Shoqata “Bashkimi” në Uster, patëm nderin dhe kënaqësinë të mirëpresim mes nesh gazetarin e mirënjohur shqiptar Marin Mema.
Gjatë fjalës së tij, Marin Mema ndau me ne përvojat e shumta nga puna e tij në terren, në fushën që e ushtron me pasion dhe përkushtim. Ai foli për vizitat e tij në fshatrat më të thella të trojeve shqiptare, si dhe për takimet me shqiptarët në Veles, Pazarin e Ri, Manastir, Sanxhak dhe shumë vende të tjera, ku dikur lulëzonte gjuha shqipe. Sot, fatkeqësisht, shqiptarët që ende jetojnë në ato vise përballen me sfida të shumta, që nga shtypja politike e deri te diskriminimi i gjuhës amtare.
Në mbrëmjen e 17 shkurtit, pjesëmarrësit patën mundësinë t’i drejtonin pyetje të ndryshme zotit Mema, të cilave ai iu përgjigj me dëshirë, qetësi dhe saktësi, duke dhënë përgjigje që pasqyruan profesionalizëm dhe njohje të thellë të realitetit shqiptar.
Nuk ka komente